Valentino Rufini e Âkil Pillabán de viaxe a Milán (e van sen un can)

  • 55 minutos
  • Comedia
  • Galego
  • Familiar
Autores

Roberto Salgueiro

Sinopse

Esta farsa que respira da comedia da arte está ambientada na Italia do século XVIII e conta a historia de dous personaxes ben diferentes e, ao tempo, moi semellantes. Valentino Ruffini é un poeta que non consegue publicar os seus libros en Venecia e de regreso á súa cidade natal, Milán, é abandoado polo seu criado. Sen cartos e apesarado pola súa mala sorte decide pasar a noite nunha casa en ruínas, ás aforas de Venecia. Pola súa parte, Âkil Pillabán, magrebí que traballaba no mundo da construción, á abandoado pola súa ama coa que tamén viaxaba a Milán, e igualmente decide pasar a noite na mesma casa onde se refuxia Valentino.

Coñeceranse alí, e xuntos agardarán pola carruaxe que vai a Milán para pedir auxilio. Xuntos pasarán a tarde, a noite e verán chegar un novo día. A desconfianza entre eles e o medo que os une provocarán divertidas historias coa que se artella un espectáculo que trata de reflexionar sobre a diferenza cultural, a desconfianza ao descoñecido e, por riba de todo, a necesidade de comprender que todos somos iguais, malia a cor da pele, das relixións e das posicións sociais.

Trátase, en definitiva, dun espectáculo para ver en familia, para rir sen medo e, ao tempo, para pensar sen prexuízos.

Elenco

Diego Rey

Dani Trillo

Equipo artístico e técnico

Escenografía
Roberto Salgueiro
Vestiario
Roberto Salgueiro
Maquillaxe
Martina Cambeiro
Iluminación
Roberto Salgueiro
Diseño Gráfico
Blanca Barrio
Fotografía
Javier Amosa
Axudante de dirección
Marta Ríos
Dirección
Roberto Salgueiro
Construcción da escenografía
Rodrigo Roel
Realización do vestuario
Cloti Vaello

Datos técnicos

Potencia
15.000 w
Montaxe/Desmontaxe
4 h./1 h.